सर्द भरी रतिया में पानी से नहवउला, फेक न्यूज़ आतंकी खालिस्तानी बतउला, हक मांगे के का न बा अधिकार?

Written by Mithun Prajapati | Published on: December 8, 2020
काहें खोद दिहा सरकार
सड़किया तोहरे बाप के न हौ।।



टैक्स के पैसा बा जनता के लागल
किसान बिरोध में काहें भइला तू पागल
अम्बानी अडानी के यार
सड़किया तोहरे बाप के न हौ।।

कारपोरेट खातिर काला कानून बनउला
किसानन पर काहे लाठी चलवउला
भरि भरि के तोहे धिक्कार
सड़किया तोहरे बाप के न हौ।।

सर्द भरी रतिया में पानी से नहवउला
फेक न्यूज़, आतंकी खलिस्तानी बतउला
हक मांगे के का न बा अधिकार ?
सड़किया तोहरे बाप के न हौ।।

भगतसिंह कुर्बान बापू गांधी महान
देश उहे से चली बाबा दिहे संविधान
हिटलर मुसोलिनी सा न करो अत्याचार
सड़किया तोहरे बाप के न हौ।।

काहें खोद दिहा सरकार
सड़किया तोहरे बाप के न हौ।।

बाकी ख़बरें